Жудаснае ДТЗ на Берасцейшчыне. Загінула цяжарная жанчына


Фота: gaibrest.by

3 жніўня ўвечары на аўтадарозе М-10 адбылася ДТЗ са смяротным зыходам.

Volkswagen вылецеў на сустрэчную паласу і сутыкнуўся з аўтамабілем Opel.

Паводле інфармацыі ДАІ, 23-гадовы кіроўца Volkswagen пры абгоне выехаў на паласу сустрэчнага руху і сутыкнуўся з аўтамабілям Opel. У выніку лабавога сутыкнення загінула цяжарная жанчына.

«Удар пры сутыкненні быў настолькі моцны, што спецыялісты, якія прыбылі на месца, знайшлі загінулую ў багажным аддзяленні аўтамабіля», – распавядаюць у ДАІ Берасцейскай вобласці.

Абодва кіроўцы ў цяжкім стане дастаўленыя ў шпіталь, дзве пасажыркі «Фальксвагена» атрымалі траўмы сярэдняй ступені цяжкасці і таксама знаходзяцца ў шпіталі. Па факце ДТЗ праводзіцца праверка.

ГА, belsat.eu

Глядзі таксама
Каментары