«Жорсткая размова» пра дзедаўшчыну на калегіі Мінабароны: вайскоўцы знайшлі прычыну злачынстваў у арміі

27 кастрычніка адбыўся аператыўны збор каманднага складу Узброеных сілаў і паседжанне калегіі Міністэрства абароны Беларусі. Высокапастаўленыя вайскоўцы абмеркавалі сярод іншага і пытанне падтрымання дысцыпліны ды правапарадку ў арміі.

• Іван Шыла пра дзедаўшчыну: Паўгода б’юць цябе – пасля год б’еш ты
• Аднаму зламалі сківіцу, а другі вярнуўся дадому хворы на сухоты: дзве гісторыі пра беларускую армію

«Была прынцыповая і жорсткая размова, глыбока прааналізаваны стан дысцыпліны ў вайсковых частках, раскрытыя прычыны наяўных у шэрагу з іх злачынстваў і здарэнняў», – паведамляе прэс-служба Міністэрства абароны.

• 5 легальных спосабаў атрымаць адтэрміноўку ад службы ў войску і як яны (не)працуюць у Беларусі

Ведамства не ўдакладняе, якія менавіта прычыны прывялі да «злачынстваў і здарэнняў».

У паведамленні адзначаецца, што кіраўніцтва вайсковых частак будзе надаваць «асаблівую ўвагу прафілактыцы парушэнняў статутных правілаў узаемаадносінаў паміж вайскоўцамі».

• Лукашэнка адправіў у адстаўку камандзіра вайсковай часткі ў Печах

ЮВ, belsat.eu