Акцыя пратэсту падчас Дня Волі ў Менску суправаджаецца жорсткімі затрыманнямі. Людзей, якія выйшлі на вуліцу, запакоўваюць у аўтазакі ў раёне Плошчы Якуба Коласа, Акадэміі навук і Плошчы Перамогі. Па інфармацыі нашых журналістаў, іншых медыяў і сведкаў, затрыманых у Менску ўжо сотні.
На гэты час у цэнтры Менска ёсць праблемы з мабільным інтэрнэтам. Вуліцы ў шматлікіх месцах перакрыты АМАПаўцамі са шчытамі. Людзей раздзяляюць па кварталах, хапаюць і пакуюць у аўтазакі. Толькі ў Заводскім РАУС знаходзіцца каля 200 чалавек, многія з іх збітыя.
Сайт spring96.org паведаміў, што на плошчы Якуба Коласа затрымлівалі ўсіх падрад – сотнямі
«На праспекце ў раёне Філармоніі АМАП жорстка пахапаў людзей».
57 чалавек былі жорстка затрыманыя ў офісе праваабарончага цэнтру «Вясна», пасля акцыі ўсіх затрыманых адпусцілі.
Затрыманыя журналісты Belsat.eu, TUT.BY, belapan.by, nn.by, novychas.by і іншыя незалежныя журналісты.
«Затрыманне асабліва небяспечнага злачынца. Дзяржава для народа. Плаці падаткі – гадуй пачвар»
Затрыманая журналістка Вольга Быкоўская падзялілася фотаздымкам
Сёння раніцай былі затрыманыя актывісты ў рэгіёнах, якія збіраліся на акцыю ў Менск.
