На гэты момант нашых калегаў ужо выпусцілі з РУУС Віцебскага раёну.
Журналістаў Сяргея Русецкага і Уладзіміра Лунёва, якія супрацоўнічаюць з нашым каналам, затрымала ДАІ – нібыта каб спраўдзіць іх машыну на прадмет «угону». Іх адвезлі ў РУУС Віцебскага раёну.
«Цікава, што даішнік размаўляў пры затрыманні не па спецсувязі, а атрымліваў нейкія загады па мабільніку, пытаўся што рабіць», – кажа Сяргей Русецкі. – Мы паводзілі сябе годна і спакойна. Міліцыянты ў прынцыпе таксама».
«Намі займалася крымінальная міліцыя», – паведамляў з РУУС журналіст.
На гэты момант журналісты адпушчаныя.
Адначасова ў Берасці затрымалі мясцовага блогера Сяргея Пятрухіна, які часта каментуе падзеі на Берасцейшчыне ў эфіры «Гарачага каментара».