За содні на Віцебшчыне заблукалі 16 грыбнікоў


За мінулыя содні ратавальнікі Віцебскай вобласці 9 разоў выязджалі на пошукі заблукалых грыбнікоў.

Пра гэта паведамляе Віцебскае абласное ўпраўленне МНС.

Аматараў грыбоў шукалі ў Бешанковіцкім, Віцебскім, Глыбоцкім, Гарадоцкім, Дубровенскім, аршанскім, Шумілінскім ды Талачынскім раёнах.

Часцей за ўсё праблемы з арыентаваннем узнікаюць у людзей сталага ўзросту, адзначаюць у міністэрстве. І распавядаюць, што ўскладняе пошукі заблукалых асобаў:

«Нярэдка ў лес людзі апранаюцца так, нібы збіраюцца там партызаніць. Камуфляж надзейна хавае чалавека, што значна ўскладняе пошукі, калі сіл паведаміць пра сябе ўжо не засталося. Вядома, адзенне павінна быць шчыльным, але лепш – яркім. Не перашкодзіць чырвоная кепка, хустка або любы прыкметны прадмет».

Рэкамендацыі ад ратавальнікаў, калі вы ідзяце па грыбы

– не адпраўляйцеся ў лес у адзіночку

– вывучыце асноўныя правілы арыентавання ў лесе

– паведаміце сваякам або знаёмым пра меркаваны маршруце і час вяртання, своечасова інфармуйце іх, калі планы змяніліся

– апранайце зручную, непрамакальныя вопратку і абутак

– вазьміце з сабой тэлефон, ваду, лекі, нож, запалкі

– перш чым паглыбіцца ў лес, звярніце ўвагу на сонца, запомніце з якога боку яно. Калі сонца справа, то пры выхадзе ў тым жа кірунку з лесу трэба, каб яно апынулася злева

Калі вы ўсё ж заблукалі

– першае, што неабходна, – зарыентавацца на мясцовасці, вызначыць, дзе можна знайсці ваду і агонь, каб абараніцца ад холаду і арганізаваць начлег

– калі ў вас з сабой мабільны тэлефон, набярыце нумар службы выратавання і паведаміце, з якога населенага пункта і якога раёну ўвайшлі ў лес, апішыце, што бачыце вакол сябе

– калі апынуліся ў лесе без тэлефону, а сваё месцазнаходжанне не можаце вызначыць нават прыблізна, спыніцеся і супакойцеся. Па магчымасці піце ваду і рухайцеся да мэты.

– галоўнае для вас – выйсці да людзей, таму важнымі арыенцірамі будуць лініі электраперадачы, прасекі і сцяжынкі. Выявіўшы любы з гэтых абʼектаў, ідзіце ўздоўж яго, і вы абавязкова знойдзеце людзей

– калі на шляху сустрэўся ручай або рака, прытрымлівайцеся ўніз па плыні – ён заўсёды прывядзе да людзей. Прыслухайцеся: шум трактара чуваць за 3-4 км, брэх сабакі – за 2-3 км, які ідзе цягнік – за 10 км, ідзіце на гук

– не варта выбірацца з лесу ноччу: пачынае цямнець – лепш займіцеся ўладкаваннем месца для начлегу. Для гэтага падыдзе яма ад вывернутыя з коранем дрэва. З галінак зрабіце прытулак накшталт будана і подсціл з падручных матэрыялаў. Дарэчы, аб барацьбе з холадам. Ліст газеты, засунутай пад вопратку, паменшыць цеплааддачу ўдвая. Такі ж эфект дае і лістота, набітая пад вопратку. Арганізуючы начлег, паклапаціцеся, каб тыя, што шукаюць вас не прайшлі міма – павесьце на кусты кепку, насоўку або ліст паперы, абламайце галінкі, каб прыцягнуць увагу.

Глядзіце таксама:

НМ, belsat.eu

Тэгі: ,
Глядзі таксама
Каментары