Увага падарожнікам: у нядзелю нашыя суседзі пераходзяць на зімовы час.
Беларуская чыгунка адкарэктавала расклад руху цягнікоў міжнародных і міжрэгіянальных лініяў з 30 кастрычніка – у сувязі з пераходам Украіны і краінаў Еўразвязу на зімовы час.
У Менскім аддзяленні БЧ «Інтэрфаксу» распавялі, што ў нядзелю таксама «часткова змяняецца расклад цягнікоў рэгіянальных лініяў эканамічнага класа, а таксама гарадскіх лініяў».
Чыгуначнікі просяць удакладняць інфармацыю аб змене раскладу руху асобных цягнікоў на вакзалах і станцыях.
ДД
