З’явіўся дапрацаваны праект помніку Алесю Чаркашыну


Працягваецца збор грошай на помнік беларусу, які загінуў ува ўсходняй Украіне.

Аўтары дапрацаванага праекту, якія папрасілі нас не афішаваць сваё імёны, кажуць, што стылістыка помніка Алесю Чаркашыну «вынікае з трыяды: Бог, Бацькаўшчына, Служэнне»:

«Гэта тры найважнейшыя грані жыцця Алеся Чаркашына».

«Кампазіцыя вырашаная нетрадыцыйна: у ёй крок па кроку апавядаецца пра прыярытэты жыцця, якое заўчасна абарвалася, але не скончылася… Вобразы кампазіцыі прамаўляюць проста: святы Крыж, праз які можна ўбачыць неба, або святло пастаўленых паміж камянямі знічамі, у разарванасці камянёў лёгка знайсці падабенства з руінамі аэрапорту ў Данецку, ды наш нацыянальны сцяг, якому прысягаў Алесь у юнацтве і ўзнёс на баявых пазіцыях у Пясках», – кажуць аўтары помніка.

carkashyn2

Алесь Чаркашын – беларус з Добраахвотнага ўкраінскага корпуса «Правы сектар», які ваяваў на Данбасе з пачатку зімы 2015 года. 10 жніўня 2015 года ён быў цяжка паранены пад Белакаменкай, пасля двух тыдняў у коме ён памёр.

Чаркашын быў пасмяротна ўзнагароджаны ордэнам «Народны герой Украіны».

Пахаваны ў Берасці.

Беларуская грамадзянская супольнасць абвесціла збор грошай на помнік. З неабходных 4-х тысячаў долараў на сёння сабрана 2 500.

Сродкі ў Беларусі можна пералічыць брату Алеся Чаркашына на рахунак у «Беларусбанку»:

9112 0001 5805 4367 09/20
Чаркашын Ігар Мікалаевіч

ДД, belsat.eu

Глядзі таксама
Каментары