За ўвесь час дзеяння рэжыму спынення агню ў зоне правядзення антытэрарыстычнай аперацыі на ўсходзе Украіны загінулі 64 украінскія вайскоўцы, паведаміў прэзідэнт Украіны Пятро Парашэнка.
«З пачатку рэжыму спынення агню, з 15 лютага, загінулі 64 вайскоўцы», – сказаў Парашэнка ў інтэрв‘ю Першаму нацыянальнаму тэлеканалу Украіны ўвечары 9 сакавіка.
Украінскі кіраўнік удакладніў, што з агульнай колькасці загінулых 51 – гэта вайскоўцы Узброеных сілаў Украіны, 11 – Нацыянальнай гвардыі, па адным супрацоўніку МУС, Дзяржаўнай памежнай службы і Дзяржаўнай службы па надзвычайных сітуацыях, інфармуе interfax.com.ua.
15 лютага 2015 года ўступіла ў сілу першая і галоўная ўмова выканання менскіх пагадненняў ад 12 лютага – «неадкладнае і ўсёабдымнае спыненне агню ў Данецкай і Луганскай вобласцях».
26 лютага сілы АТА пачалі першы этап адводу цяжкіх узбраенняў з лініі размежавання на Данбасе. Паводле звестак ААН, колькасць ахвяраў канфлікту ў Данбасе пераваліла за 6 тыс., каля 15 тыс. чалавек атрымалі раненні.
МЯ, паводле interfax.com.ua