У Маскве з месца забойства апазіцыйнага палітыка Барыса Нямцова на Вялікім Маскварэцкім мосце прыбралі ноччу кветкі, свечкі і фоты, знесеныя людзьмі.
Пра гэта ў сваім «Тўітэры» паведаміла чалец расейскай партыі «РПР-ПАРНАС» Наталля Пялевіна, падае korrespondent.net.
«Згрэблі ўсё – старыя і новыя кветкі, свечкі, фатаграфіі. Рабілі ўсё вельмі хутка, і прыйшлі ў 2 гадзіны ночы», – напісала Пялевіна.
Фота з месца забойства палітыка апублікавала ў «Тўітэры» журналістка радыё «Эхо Москвы» Ірына Вараб’ёва.
[vc_single_image image=”1″ img_size=”large”]
Таксама ў сетцы з’явілася відэа, на якім бачна, як невядомыя збіраюць у смеццевыя пакеты кветкі і знічы, прынесеныя людзьмі на Вялікі Маскварэцкі мост.
Аднак пазней журналістка Вараб’ёва апублікавала новыя фота з моста. На іх відаць, што людзі зноў прынеслі кветкі на месца гібелі Нямцова.
[vc_single_image image=”5″ img_size=”large”]
[vc_single_image image=”6″ img_size=”large”]
Барыс Нямцоў быў забіты ўвечары 27 лютага на Вялікім Маскварэцкім мосце ў непасрэднай блізкасці ад Крамля. Па падазрэнні ў дачыненні да забойства раней былі затрыманыя, а затым арыштаваныя пяць чалавек.
Па дадзеных следства, меркаваным забойцам Нямцова з’яўляецца Заур Дадаеў – былы намеснік камандзіра чачэнскага батальёна МУС «Поўнач». Раней прадстаўнікі следства заяўлялі, што ён ужо прызнаўся ў здзяйсненні злачынства, аднак праваабаронцам Дадаеў паведаміў, што не забіваў апазіцыянера.
Па словах Дадаева, яго вымусілі даць паказанні з прызнаннем віны ў абмен на вызваленне яго таварыша Руслана Юсупава.
МЯ, паводле korrespondent.net
