Дакумент пад назвай «Палажэнне аб парадку абмежавання доступу да інфармацыйных рэсурсаў, размешчаных у глабальнай камп’ютарнай сетцы Інтэрнэт» набывае моц 26 лютага.
Пастанова зацвердзіла парадак абмежавання доступу да рэсурсаў:
• уладальнікам якіх вынесеныя два і больш пісьмовых папярэджанні Мінінфармацыі цягам года,
• што ўтрымліваюць інфармацыю пра незаконны абарот наркотыкаў, альбо іншую інфармацыю, забароненую да распаўсюду,
• уладальнікі якіх не выканалі патрабаванні дзяржоргану аб ліквідацыі парушэнняў заканадаўства пра СМІ.
Доступ да спісу забароненых сайтаў будуць мець толькі дзяржорганы і пастаўшчыкі інтэрнэт-паслуг.
Пасля таго, як чыноўнікі прымуць рашэнне пра закрыццё доступу да сайту, Мініфармацыі на працягу трох дзён паведамляе пра гэта ў Дзяржінспекцыю па электрасувязі і ўладальніку інтэрнэт-рэсурсу, калі ён размешчаны ў нацыянальным сегменце інтэрнэту.
Пастаўшчыкі інтэрнэт-паслуг на працягу содняў абавязаны абмежаваць доступ да інтэрнэт-рэсурсу, які трапіў у «чорны спіс».
Калі чыноўнікі высветляць, што для доступу да закрытых сайтаў выкарыстоўваюцца ананімайзеры і праграмы кшталту Tor, яны дададуць ідэнтыфікатары гэтых сайтаў у спіс абмежаванага доступу.
Уладальнік заблакаванага інтэрнэт-рэсурсу мае права звярнуцца ў Мінінфарм, каб аднавіць доступ да сайта. Цягам месяца чыноўнікі могуць разглядаць гэтае рашэнне.
Прапанаваць унесці сайт у «чорны спіс» цяпер могуць не толькі дзяржаўныя органы, але і любы грамадзянін.
У снежні адбылося масавае блакаванне ўсіх буйных незалежных рэсурсаў Беларусі, а ў першы дзень 2015 году ў сілу ўступіў новы Закон аб СМІ, які моцна абмяжоўвае свабодны распаўсюд інфармацыі. Папраўкі да Закону, зробленыя «уціхую», эксперты тлумачаць прэзідэнцкімі выбарамі.
ДР, belsat.eu