У Наваполацку зачынілі Калінінскі мост праз Заходнюю Дзвіну для праезду цяжкага транспарту.
Кіроўцы астатніх машын павінныя выконваць дыстанцыю ў 70 метраў, паведамляе канал «АНТ».
Канструкцыя не ўпадзе, кажуць спецыялісты, мост, хутчэй за ўсё, чакае няпросты рамонт, звязаны з самой тэхналогіяй, якая калісьці падавалася прарыўной у будаўніцтве вялікіх пераправаў.
«Звонку ў нас жалезабетонная канструкцыя, армаваная сталлю, унутры пустэча», – кажа галоўны інжынер прадпрыемства «Віцебскаўтадар» Аляксандр Рымашэўскі.
Адсюль назва «каробчаты метад будаўніцтва». Савецкае ноу-хау, пра яго пісалі ў падручніках для студэнтаў, здымалі кіно. «Вуліца без канца» – у Наваполацку вялікі фільм 1972 года выпуску пачынаўся з гонару савецкіх архітэктараў. Акрамя таго, метад быў хуткім і танным. Пустыя жалезабетонныя (як быццам скрынкі) нанізвалі, быццам каралі на ліны, замацоўвалі на асновах мастоў. Праўда, ужо нават тады не казалі, што гэта назаўжды. З пяці мастоў такой канструкцыі ў Беларусі трэснулі ўсе.
Алег Удовін, начальнік упраўлення маставога праектавання прадпрыемства «Белгіпрадар» адзначае:
«Не было такога, што на сто, 75, 30 гадоў. Іх праектавалі, разлічвалі надзейнасць, але яна была ўмоўная. Ён падае. Мы з вамі сядзім, а ён падае».
Пра праблемы з яшчэ адным мостам, на Гомельшчыне, глядзіце ў нашым рэпартажы:
НМ, belsat.eu, фотаздымак 2-goroda.by
