Як рабіць бяспечныя сэлфі – адказ на гэтае пытанне ведае расейскае МУС. Пасля шэрагу няшчасных выпадкаў ведамства выпусціла адмысловую памятку для ўсіх аматараў аўтапартрэтаў.
У спробах зрабіць унікальны здымак, чалавек можа траўмавацца і нават давесці да смяротнага зыходу, паведамляе старонка міністэрства.
Падчас сэлфі людзі ўзрываюць сабе галаву, страляюць у галаву, трапляюць пад цягнік, падаюць з мосту.
Але кожны такі выпадак можна перадухіліць. Адмысловыя піктаграмы адлюстроўваюць найбольш небяспечныя выпадкі стварэння сэлфі: за рулём, на дарозе, у гарах і на вадзе.
[vc_single_image image=”1″ img_size=”large”]
[vc_single_image image=”2″ img_size=”large”]
«Калі чалавек спрабуе сфатаграфаваць сам сябе – у яго рассеяная ўвага, губляецца раўнавага, ён не глядзіць па баках і не адчувае небяспекі. Рабіце сэлфі, пераканаўшыся, што Вы ў бяспечным месцы і вашаму жыццю нічога не пагражае! Жыццё і здароўе чалавека даражэйшыя мільёнаў лайкаў у сацыяльных сетках».
У Беларусі пакуль не было няшчасных выпадкаў, звязаных з сэлфі, таму ніхто на афіцыйным узроўні да гэтай праблемы не прыглядаўся.
Праз небяспечныя сэлфі на вышыні стаў папулярным украінскі руфер Мустанг, сапраўднае імя якога Павел Ушавец. Расейскія праваахоўнікі абвесцілі хлопца ў міжнародны вышук за хуліганства.
[vc_single_image image=”5″ img_size=”large”]
Мустанг перамаляваў у колер украінскага сцягу зорку на шпілі сталінскага гмаху ў Маскве, за што атрымаў ад міністра ўнутраных спраў Арсэна Авакава імянны пісталет. Увесну маладзён паехаў ваяваць на Данбас.
ДР, belsat.eu