Як шаруюць Кастрычніцкую плошчу. У Менску рыхтуюцца да інаўгурацыі Лукашэнкі

photo

У беларускай сталіцы камунальнікі шчоткамі шаруюць брук перад прэзідэнцкай інаўгурацыяй Аляксандра Лукашэнкі.

Цырымонія ўступлення на пасаду пяцікротнага кіраўніка Рэспублікі Беларусь адбудзецца 6 лістапада ў зале ўрачыстых цырымоніяў у Палацы Незалежнасці. З гэтай нагоды шквал працы разгарэўся на Кастрычніцкай плошчы, куды нават прыгналі цыстэрну з вадою. Акрамя працаўнікоў камунальных службаў сёння там было багата і чыноўнікаў, якія, праўда, толькі стаялі ды размаўлялі адзін з адным, час ад часу нешта паказваючы сабе рукамі.

Пасведчанне прэзідэнта кіраўніку дзяржавы будзе ўручана ў прысутнасці больш за тысячу запрошаных гасцей, сярод якіх вышэйшыя службовыя асобы краіны, дэпутаты парламенту, кіраўнікі розных узроўняў ды замежныя госці.

МЯ, belsat.eu

Глядзі таксама
Каментары