Як берасцейская мастачка спыніла высечку дрэваў у сваім двары


Калі ў двары берасцейскі Ганны Радзько камунальнікі пачалі пілаваць дрэвы, дзяўчына здолела спыніць працоўных і выратавала некалькі дрэваў.

«Да мяне ў двор прыехалі людзі са спецтэхнікай і давай касіць пад корань дрэвы. Сачу ў акно. Падбіраюцца да майго любімаму дрэва – каралю двара. Летам ён дае вялікую цень у сонцапёк, зімой незвычайна прыгожы пад снегам. Спачатку рабочыя пілавалі галінкі, а потым узяліся за вялікія дрэвы. Я выбегла з хаты і запатрабавала спыніць пілаваць дрэвы – а рабочыя мне дакументы, што яны павінны спіць сем дрэваў. У выніку я патэлефанавала начальніку ЖРЭУ ён даў каманду спыніць усе працы, далей датэлефанавалася да галоўнага ландшафтнага архітэктара Берасця. І пасля размовы з ім дамаглася таго, што ўдалося выратаваць два дрэвы» – распавядае Ганна Радзько.

Экалагічныя актывісты таксама заклікаюць грамадзянаў не быць абыякавымі, бо не рэдка бывае, што разам з трухлявымі і хворымі дрэвамі пілуюць і цалкам здаровыя.

«Улады маюць шмат магчымасцяў законна секчы нават здаровыя дрэвы. Бо выдаляць іх дазволена не толькі з прычыны аварыйнага стану і пагрозы людзям. Да прыкладу, летам у Менску ссеклі велізарны прыгожы таполя каля плошчы Перамогі, які перашкаджаў рэканструкцыі каналізацыйных сетак, – гаворыць экаактывістка Надзея Дубоўская. – Паводле закону дрэвы таксама можна секчы ў сувязі з будаўніцтвам дому або паркоўкі, калі праектнай дакументацыяй зацверджана выдаленне дрэў на гэтай тэрыторыі. Ссекчы дрэва ў двары могуць, калі жыхары будуць скардзіцца, што дрэва не дае паступаць святлу ў кватэру».


Паводле заканадаўства, выдаленне абʼектаў расліннага свету ў населеных пунктах дапускаецца толькі ў выпадку, калі немагчымая іх перасадка. Дарослыя дрэвы цяпер таксама перасаджваюць. Грамадскія абмеркавання не прадугледжаны, калі дазвол на выдаленне дрэў выдадзены з-за аварыйнага стану дрэва, а таксама калі яно перашкаджае эксплуатацыі інжынерных камунікацыяў або парушае асветленасць будынкаў. Але нават у гэтых выпадках грамадскасць павінны паінфармаваць не пазней, чым за тры каляндарныя днi.

Калі ў двары сякуць дрэва, трэба ў першую чаргу высветліць законнасць і прычыну рубкі: падысці да рабочых, знайсці старэйшага, спытаць, якую арганізацыю яны прадстаўляюць і папрасіць паказаць дакументы – дазвол на выдаленне дрэў або схему выдалення аварыйных дрэў. Трэба ўлічваць, што гэтыя дакументы яны вам паказваць не абавязаныя, таму лепш за ўсё хутка патэлефанаваць у арганізацыю, якая праводзіць работы, або ў арганізацыю, абслуговую жыллёвы фонд (напрыклад, ЖЭС), пра прычыну выдалення дрэў. Толькі так будзе шанец спыніць працы. – запэўненая Надзея Дубоўская.

Алесь Ляўчук. Мілана Харытонава belsat.eu

Глядзі таксама
Каментары