Генеральны пракурор Аляксандр Канюк выказаўся пра справу затрыманага пастаўшчыка тэхнікі ў Туркменістан Эрнэста Аляксеева.
Затрыманы ў леташнім красавіку сілавікамі бізнесовец, атрымаўшы аплату за пастаўленую тэхніку МАЗ у Туркменістан, вывеў на рахункі афіляваных структур не менш за $ 2 млн. Пра гэта сёння заявіў генеральны пракурор Аляксандр Канюк на міжнароднай канферэнцыі «Супрацьдзеянне ілжэпрадпрымальніцтву і незаконнай прадпрымальніцкай дзейнасці», якая праходзіць у Менску.
На дадзены момант Аляксееў знаходзіцца пад вартай, на ягоную маёмасць накладзены арышт.
«Але нават таго, што мы канфіскуем – кавярні, катэджы, машыны, участкі – не хопіць, каб ён пагасіў урон», – сказаў генпракурор.
Канюк заявіў, што ў цяперашні час галоўная праблема для сілавікоў – гэта пакрыццё ўрону ў поўным абʼёме.
Справа Аляксеева разглядаецца ў межах кампаніі па пагашэнні праблемнай дэбіторскай запазычанасці буйных дзяржкампаній. Да вырашэння праблемы вяртання $ 500 млн ужо падключыўся Савет бяспекі.
Глядзіце таксама: