Па меншай меры 40 чалавек загінулі і 30 атрымалі раненні ў выніку выбуху ў будынку шыіцкага рэлігійнага культурнага цэнтра ў Кабуле, перадае bbc.com.
Міністэрства ўнутраных спраў Афганістана паведаміла, што за гэтым выбухам, які ажыццявіў смяротнік, прагрымелі яшчэ два – у тым жа раёне Кабула.
У апошнія месяцы баевікі «Ісламскай дзяржавы» неаднаразова здзяйснялі напады на шыітаў у розных правінцыях Афганістана.
Толькі тры дні таму, у панядзелак, яшчэ дзесяць чалавек сталі ахвярамі выбуху ля комплексу будынкаў афганскай разведвальнай службы ў Кабуле.
У кастрычніку ў выніку нападу на шыіцкую мячэць у Афганістане загінулі 39 асобаў.
КА, belsat.eu
