Пра здарэнне паведамляе сайт Нацыянальнай паліцыі Украіны.
Выбух выбухоўкі адбыўся 8 чэрвеня а 00:05. Паводле ўкраінскіх праваахоўнікаў невядомы кінуў выбуховае прыстасаванне на тэрыторыю дыппрадстаўніцтва.
Ніхто не пацярпеў.
Праваахоўнікі распачалі крымінальнае следства па артыкуле 258 артыкуле Крымінальнага кодэксу Украіны «Тэрарыстычны акт».
Прэс-сакратарка МЗС Украіны ў сваім «Twitterʼы» напісала, што ведамства «асуджае тэрарыстычны акт».
Справаю зоймецца Служба бяспекі Украіны, паведаміла выданню «Украінская праўда» прэс-сакратар кіеўскай паліцыі Аксана Блышчык.
Дыпламатычныя пляцоўкі – пад прыцэлам?
Сёлета гэта не першы інцдэнт з нападам на дыппляцоўку на тэрыторыі Украіны. 29 сакавіка невядомыя абстралялі з гранатамёту Генеральнае консульства Польшчы ў Луцку. Падчас гэтага нападу таксама ніхто не пацярпеў.
«Правакацыі супраць Рэспублікі Польшча, што час ад часу трапляюцца ва Украіне, выгадныя толькі аднаму боку – Расейскай Федэрацыі, почырк якой заўважны здалёк», – гэтак пракаментавалі ў СБУ напад на консулства ў сакавіку.
ЮВ, belsat.eu
