Выбарцам з менскага ўчасткаў № 687 «пашчасціла» – ім раздавалі піва

video

Падарункі для выбарцаў на гэтым участку сталі ўжо традыцыйнымі падчас усіх выбарчых кампаніяў.

Участак для галасавання №687 Партызанскай выбарчай акругі № 110 знакаміты тым, што выбарцы тут традыцыйна атрымліваюць прадукцыю ад прадпрыемства «Крыніца».

Чалавек галасуе, яму даюць спецыяльную картку, а на выхадзе бясплатна ўручаюць пакет з чатырма пакетамі кісялю, пакетам жэле, паўтаралітровай бутэлькай напою і дзвюма паўлітровымі бляшанкамі піва.

«Гэта атрымліваецца хабар», – усміхаецца мужчына журналісту БелаПАН. Пры гэтым ён лічыць такі «падарунак» «нармальным».

Старшыня выбарчай камісіі № 687 Ігар Лагойка на камеру адмаўляў факт раздачы «падарункаў», але ў нефармальнай гутарцы прызнаўся, што на ўчастку праходзіць дэгустацыя прадукцыі піваварнага прадпрыемства. Ігар Лагойка – намеснік генеральнага дырэктара «Крыніцы» па ідэалагічнай працы і персанале.

ДР belsat.eu паводле nv-online.info, belapan.by

Глядзі таксама
Каментары