Ноч з панядзелка на аўторак 27 лютага можа стаць самай марознай за гэтую зіму. Па поўначы Беларусі чакаецца ад -25 да -29, у сталіцы – да -22. Па паўднёвым захадзе краіны маразы ад -13 да -17. Удзеньпрагназуецца ад -9 да -15.
Аднак гэта не тэмпературны рэкорд. У ноч на 1 лютага 1956 года на метэастанцыі Докшыцы зафіксавалі 40,7 градус марозу.
Маразы аслабнуць бліжэй да канца бягучага тыдня. Цяперашнія тэмпературы ніжэйшыя за кліматычную норму, характэрную для канца лютага – пачатку сакавіка.
У сераду 28 лютага амаль паўсюль чакаецца снег. У асобных раёнах ён будзе суправаджацца парывістым ветрам і завеяй. Уначы ад -13 па поўдні да -23 па поўначы, удзень ад 9 да 15 градусаў марозу.
1 сакавіка ў шмат якіх раёнах Беларусі снег і месцамі завіруха. Уначы ад 13 да 19 градусаў марозу. Днём мінус 7–12.
2 сакавіка пройдзе кароткачасовы снег. Уначы мінус 10-16, месцамі пры праясненнях да мінус 17–20, удзень – ад -5 да -11.
- Як перажыць маразы
- «Гарачая гарбата ды сала»: як менчукі ратуюцца ў мароз
- Як пераносяць маразы людзі, жывёлы ды аўты
- Душ, паесці, пераначаваць. Як ратуюць бяздомных у маразы
ДР belsat.eu
