Вернікі ў Мікашэвічах адкрылі на дрэве аблічча Божай Маці


На дубе, што расце на старых могілках ля чыгуначнага вакзалу ў Мікашэвічах, людзі заўважылі абрысы Багародзіцы.

Спачатку вобраз быў невыразны, адлюстроўваўся толькі жаночы сілуэт, падае сайт media-polesye.by. Адна з мясцовых жыхарак распавяла выданню, што з кожным днём абрысы сталі станавіцца больш прыкметнымі, а цяпер нагадваюць выяву Дзевы Марыі.

Вернікі паведамілі пра гэта настаяцеля царквы Нараджэння Іаана Прадвесніка. Святары павесілі на дрэва рамку. Вернікі пачалі завязваць на дубе ручнікі і стужкі.

Цікавасць да такой падзеі сярод мясцовага насельніцтва не малы. Цягам дня да дуба прыязджаюць дзясяткі людзей, каб паглядзець на незвычайную з’яву.

Самі могілкі лічыцца зачыненымі, хаваюць тут толькі на забраніраваных раней месцах.

Мясцовыя жыхары ўзгадваюць, што каля 10 гадоў таму падобная з’ява ўжо адбылася ў Мікашэвічах. Служыцелі царквы вырашылі змяніць рамку на іконе Маці Божай Казанскай, бо напярэдадні заўважылі лёгкае памутненне шкла. Як потым высветлілася, вобраз Багародзіцы цалкам аддрукавалася на шкле. З тых часоў у Мікашэвічах гэты абраз лічаць цудатворным.

МЯ, паводле media-polesye.by

Глядзі таксама
Каментары