Гісторыя адбылася яшчэ ў верасні летась, паведамляе карэспандэнтка «Гомельскай праўды».
Мужчына з братам вырашыў асвяціць аўтамабіль у бліжэйшай царкве, каб пасля выставіць яго на продаж.
Перад абрадам мужчыны вырашылі распіць бутэльку гарэлкі. Бацюшка адмовіўся размаўляць з п’янымі і параіў паехаць пацверазець і прыходзіць заўтра. Тым часам іншы царкоўны служка выклікаў ДАІ. Суд Чыгуначнага раёну абласнога цэнтру абвінаваціў 30-гадовага мантажніка ў кіраванні транспартным сродкам у стане алкагольнага ап’янення.
Сам гамяльчук сваю віну не прызнаў: на судзе сцвярджаў, што п’яным за руль не садзіўся. Аўтамабіль канфіскавалі ў даход дзяржавы, а няўдалы кіроўца паўтара гады будзе месці вуліцы і выконваць іншыя грамадскія працы.
ДР, belsat.eu