«Ведомости»: Продаж іншамарак у Расеі спыняецца


На расейскім рынку ўзнік дэфіцыт замежных аўтамабіляў. Пра гэта паведамляе расейская газета са спасылкай на крыніцы ў дылерскіх кампаніях.

Дыстрыбютары спыняюць пастаўкі машынаў дылерам, а дылеры спыняюць продаж насельніцтву. Аналітычнае агенцтва «Автосат» інфармуе аб падвышэнні коштаў з пачатку снежня 23 аўтавытворцамі.

Па інфармацыі газеты «Ведомости», BMW 16 снежня праінфармавала дылераў пра неабходнасць цягам двух дзён аплаціць аўтамабілі, на якія ўжо падпісаныя кантракты. Прадстаўніцтва Jaguar Land Rover з 19 снежня спыняе пастаўкі ў Расею да пераліку цэнаў. Гэта пры тым, што ў лістападзе Land Rover ужо індэксаваў цэны да 15 адсоткаў.

У апошнія месяцы аўтамабілі ў расейскіх аўтасалонах актыўна скупляюць і беларусы. У канцы лістапада некаторыя аўтасалоны ў Расеі прызнаваліся, што колькасць беларускіх кліентаў у іх узрасла ў 10 разоў. У суседняй краіне нават з’явіліся махляры, якія спрабуюць прадаць нашым суайчыннікам крадзеныя машыны. На што МУС Беларусі распрацаваў адмысловыя парады, як не стаць ахвярай злачынцаў.

ЗК, belsat.eu, паводле «Ведомости»

Глядзі таксама
Каментары