Вайна на Данбасе: баевікі абстрэльвалі Аўдзееўку больш за 9 гадзін


13 жніўня ўзброеныя правакацыі баевікоў у раёне Аўдзееўкі на Данецкам кірунку працягваліся больш за 9 гадзін.

Пра гэта распавёў на брыфінгу ў панядзелак спікер Міністэрства абароны па пытаннях ато палкоўнік Аляксандр Матузянік, перадае «Украінская праўда».

«На Данецкам кірунку галоўнай гарачай кропкай учора стала Аўдзееўка. Праціўнік адкрыў агонь пасля 14 гадзін, украінскія войскі адказалі тым самым. Перастрэлкі працягваліся (з кароткімі паўзамі) больш за 9 гадзін», – сказаў палкоўнік.

Паводле слоў спікера АТА, баевікі таксама эпізадычна парушалі рэжым цішыні на 4 іншых пазіцыях Данецкага напрамку. Усе гэтыя інцыдэнты былі досыць працяглымі. Пры гэты ўжываліся мінамёты.

21 чэрвеня 2017 года Трохбаковая кантактная група па ўрэгуляванні сітуацыі на Данбасе падтрымала зварот мясцовых саветаў аб неабходнасці выканання рэжыму цішыні на час уборкі ўраджаю.

Было прадугледжана ўстанаўленне рэжыму поўнага спынення агню ўздоўж усёй лініі судакранання на перыяд з 24 чэрвеня па 31 жніўня.

КА, belsat.eu

Глядзі таксама
Каментары