21 ліпеня тэлеканал НТВ пакажа сустрэчу прэзідэнта Расеі са школьнікамі з адукацыйнага цэнтру «Сириус».
Адукацыйны цэнтр быў створаны фондам «Талант и успех». Адным з заснавальнікаў гэтага фонду зʼяўляецца сябар Пуціна віаланчэліст Сяргей Ралдугін.
Ралдугін стаў шырока вядомы праз скандал вакол «Панамскіх архіваў».
Летась Міжнародны кансорцыум журналісцкіх расследаванняў (ICIJ) апублікаваў дакументы пра афшоры 128 палітыкаў і 29 мільярдэраў.
У чэрвені Уладзімір Пуцін узяў удзел у традыцыйнай «наўпроставай лініі» і адказаў на пытанні расейцаў.
У наўпроставым эфіры малады хлопец задаў смелае пытанне пра карупцыю. «Цябе нехта падрыхтаваў і папрасіў задаць гэтае пытанне?», – сказаў Пуцін. «Мяне жыццё падрыхтавала», – адказаў малады чалавек.
ЮВ, belsat.eu
