Працягваецца ціск на журналістаў-фрылансэраў. Суд Глыбоцкага раёну пакараў незалежнага журналіста Змітра Лупача, што супарцоўнічае з “Белсатам”, штрафам на 857 руб і 50 капеек. Традыцыйна яго абвінавацілі ў працы для замежных медыяў без акрэдытацыі МЗС.
«Справа была па сюжэце, які выйшаў пра збіццё пажылога жыхара вёсцы Лазічы.
Гэта амаль 150 старонак справы, таму гэта цягнулася так доўга і мяне пакаралі 35 базавымі», – кажа Зміцер Лупач.
Для журналіста гэта 9-ты адміністратыўны прысуд за апошнія 2 гады. Агулам на журналістаў-фрылансэраў, якія супрацоўнічаюць з «Белсатам», сёлета былі складзеныя дзясяткі адміністратыўных пратаколаў. Сума штрафаў 40 тысячаў рублёў.
ДК, belsat.eu
