Украінскія дэпутаты завярнуліся ў Раду Еўропы з прычыны забароны ўезду ў Беларусь Ігару Гузю


Беларусь абмяжоўвае ўезд на сваю тэрыторыю народным дэпутатам Украіны, сябрам Парламенцкай асамблеі Рады Еўропы.

Пра гэта гаворыцца ў звароце Камітэту па замежных справах Вярхоўнай Рады Украіны, накіраваным ПАРЕ і генсакратару Рады Еўропы.

Паводле Камітэту, «Беларусь уводзіць практыку абмежавання ўезду народным дэпутатам, якія зʼяўляюцца сябрамі ПАРЕ. У прыватнасці, намесніку кіраўніка Камітэту па замежных справах Ігару Гузю і першаму намесніку старшыні Вярхоўнай Рады Украіны Ірыне Герашчанцы».

Дэпутаты лічаць, што гэтае рашэнне «не адпавядае дэмакратычным традыцыям, улічваючы тое, што Беларусь пачынае добраахвотна аднаўляць адносіны з ПАРЕ».

25 красавіка народнага дэпутата Украіны Ігара Гузя беларускія памежнікі не пусцілі ў Беларусь. Яны паведамілі, што падставай для гэтага стала патрабаванне адпаведных органаў Расеі. У Менску Ігар Гузь планаваў узяць удзел у акцыі «Чарнобыльскі шлях», сустрэцца з супрацоўнікамі амбасады Украіны, прадстаўнікамі ўкраінскай дыяспары і беларускай апазіцыі.

https://www.youtube.com/watch?v=uW2crQyjmbU

ЮВ, belsat.eu

Глядзі таксама
Каментары