Украінскі дэпутат Парасюк ударыў нагой прадстаўніка СБУ

video

Славесная перапалка ў Вярхоўнай Радзе перарасла ў бойку, падчас якой народны дэпутат ударыў нагой прадстаўніка Службы бяспекі Украіны.

Інцыдэнт адбыўся падчас паседжання камітэту Вярхоўнай Рады па пытаннях перадухілення і супрацьдзеяння карупцыі. У працэсе дыскусіі ўзнікла перапалка паміж нардэпам Уладзімірам Парасюком і намеснікам старшыні Галоўнага ўпраўлення па барацьбе з карупцыяй і арганізаванай злачыннасцю СБУ Васілём Пісным. Гэта адбылося пасля таго, як гаворка зайшла пра неадпаведнасць уласнасці чыноўніка яго даходам.

Парасюк абвінаваціў Піснага ў «крышаванні» львоўскай міліцыі ды іншых прадпрыемстваў, паведамляе «Інтэрфакс-Украіна».

«Ды я зрабіў для рэвалюцыі нашмат больш, чым вы», – заявіў Васіль Пісны.

Пасля гэтага Уладзімір Парасюк, які сядзеў недалёка, падышоў і ўдарыў нагой у галаву прадстаўніка СБУ.

Кіраўнік камітэту народны дэпутат Ягор Собалеў закрыў паседжанне і паведаміў журналістам, што збіраецца правесці закрытае паседжанне, «калі ўлягуцца эмоцыі».

«Мы будзем сурёзна гаварыць з Уладзімірам (Парасюком). Але спачатку трэба ўсім супакоіцца», – заўважыў Собалеў.

НМ, belsat.eu, паводле 5.ua, espreso.tv

Глядзі таксама
Каментары