Чуткі адносна абавязковых біяметрычных пашпартоў для ўезду беларусаў ва Украіну пракаментаваў прэс-сакратар МЗС.
Дзмітрый Мірончык паведаміў, што Беларусь ніякага афіцыйнага паведамлення пра гэта з боку Украіны не атрымлівала.
«Дакладныя тэрміны прыняцця рашэння аб адмове ва ўездзе ва Украіну ўладальнікам звычайных пашпартоў не вядомыя. Турбавацца трэба будзе тады, калі такое паведамленне прыйдзе ў ведамства», – сказаў Мірончык.
Цяпер памежны кантроль паміж Беларуссю і Украінай рэгулюецца пагадненнем аб бязвізавых паездках грамадзянаў з 2009 года. У ім нічога не гаворыцца пра абавязак здаваць адбіткі пальцаў і мець біяметрычны пашпарт.
У Беларусі біяметрычныя пашпарты (а таксама ID-карты) плануецца ўвесці не раней за канец наступнага года.
ДД
