У ЗША за адмыванне грошай і махлярства затрымалі расейцаў


Іх падазраюць у адмыванні грошай і змове з мэтай махлярства.

Паводле ФБР, расейцы ўваходзілі ў злачынную групоўку разам з грамадзянамі Грузіі, Азербайджану, Украіны, Турцыі, Казахстану і выхадцамі з Латвіі.

Прадстаўніца Мінюста ЗША Ніколь Оксман назвала імёны расейскіх грамадзянаў: Станіслаў Лісіцкі, Аляксей Лівадног, Мікалай Тупікін і Кірыл Дзедусеў.

Паводле BBC, абвінавачанні прад’яўвілі семярым расейцам, а ўсяго да суду маюць намер прыцягнуць 25 чалавек.

Абвінавачаныя выдавалі сябе за аўтадылераў і калекцыянераў. Праз рэкламу на сайтах і буйныя аўкцыёны яны знаходзілі пакупнікоў, якія былі гатовыя перавесці грошы за аўты на рахунак кампаніі. Пасля таго, як кліент перадаваў сродкі, махляры знікалі. Сума матэрыяльнай шкоды складае больш за $ 4,5 млн.

ДР belsat.eu

Стужка навінаў