Аварыя вайсковага самалёта здарылася ў штаце Місісіпі ў акрузе Лефлор 10 ліпеня.
Мяркуецца, што лятак выбухнуў у паветры і зваліўся ў соевае поле. Паводле следчых, яны знайшлі абломкі па абодва бакі ад шашы.
Паліцыя папярэджвае, што самалёт загружаны боепрыпасамі, таму ратавальнікі павінныя быць асцярожнымі.
«У самалёце шмат амуніцыі і патронаў. Мы проста не ведаем, што будзе далей. Ён троху гарыць, пасля згасае, гарыць і зноў згасае», – распавёў жаўнер журналістам WMC Action News 5.
У марской пяхоце ЗША пацвердзілі, што лятак C-130, які найчасцей выкарыстоўваюць вайскоўцы, належаў марскому флоту.
Міністр унутраных спраў Раян Зінке ды іншыя палітыкі ўжо выказалі свае спачуванні сваякам загінулых, у тым ліку ў Twitterʼы.
Акруга Лефлор – вялікая сельскагаспадарчая мясцовасць у заходняй частцы штата.
