Украінец Віталь Ціліжэнка загінуў падчас танкавай атакі прарасейскіх баевікоў пад Валнавахаю. Ваяр дапамагаў у арганізацыі тактычнай групы «Беларусь», бараніў Еўрамайдан, быў добраахвотнікам у АТА.
36-гадовы Віталь Ціліжэнка загінуў, калі ягоны батальён ішоў на дапамогу вайскоўцам, што апынуліся пад абстрэлам баевікоў.
У Запарожжы, дзе ён нарадзіўся, на плошчы ля абласной Адміністрацыі ўсталявалі намёт, куды прыходзілі паплечнікі і блізкія Віталя, каб развітацца з ім.
У той жа дзень, калі загінуў Віталь Ціліжэнка, цяжкія раненні атрымаў адзін з беларускіх добраахвотнікаў. Агулам на Данбасе ваююць больш за сотню нашых землякоў.