Прычына пажару пакуль не вядомая.
Міністэрства па надзвычайных сітуацыях падае, што на пажары ў Барысаўскім раёне загінула пяць чалавек.
Паведамленне аб пажары ў жылым доме ў вёсцы Стайкі паступіла а 2-й уночы 11 студзеня.
Афіцыйная прадстаўніца МНС Настасся Швайбовіч патлумачыла агенцтву «БелТА», што драўляная хата гарэла адкрытым полымем. Ратавальнікі знайшлі ў доме 5 загінулых мужчын.
Цяпер на месцы здарэння працуе следча-аператыўная група.
«Следчыя супольна з экспертамі аглядаюць месца здарэння, усталёўваюць асобы тых, хто загінуў, шукаюць сведкаў і відавочцаў. Праводзіцца комплекс першапачатковых следчых дзеянняў«, – распавяла афіцыйная прадстаўніца Упраўлення Следчага камітэту па Менскай вобласці Таццяна Беланог.
Naviny.by удакладняюць, што загінулі 49-гадовы гаспадар хаты і чацвёра ягоных гасцей ува ўзросце 56, 34, 30 і 29 гадоў.
ДД