У Воршы вучаніца 9-га класа сярэдняй школы выпала з лоджыі кватэры на 11 паверсе. Распачатая крымінальная справа.
Як паведамляе сайт Следчага камітэту, 15-гадовая дзяўчына 6 жніўня каля 21. 10. атрымала цяжкія цялесныя пашкоджанні ў выніку падзення з лоджыі кватэры, размешчанай у суседнім падʼездзе на 11 паверсе дому, дзе пражывае з бацькамі.
Дзяўчына была ў кватэры ў знаёмых. У суседнім пакоі знаходзіліся гаспадары кватэры. Калі дзяўчына выйшла на балкон і некаторы час адсутнічала, кампанія занепакоілася. Пазней дзяўчыну знайшлі на зямлі каля дому.
СК распачаў крымінальную справу па ч.2 арт.145 (давядзенне да самагубства заведама непаўнагадовага) КК.
Дзяўчына выжыла – цяпер яна знаходзіцца ў рэанімацыі. Школьніца станоўча характарызуецца па месцы вучобы і па месцы жыхарства, паведамляе СК.
«Комсомольская правда» піша, што магчыма дзяўчына ўпала праз тое, што хацела зрабіць небяспечнае сэлфі на балконе.
ІІ, belsat.eu
