У межах Дзён культуры Беларусі літоўцам пакажуць «Мастакоў Парыжскай школы з Беларусі»
У верасні-лістападзе ў Літве адбудуцца Дні культуры Беларусі. Культурная акцыя распачнецца 11 верасня ў Віленскай карціннай галерэі выставай «Мастакі Парыжскай школы з Беларусі». У экспазіцыю ўвойдуць 69 графічных і скульптурных працаў такім майстроў як Марк Шагал, Хаім Суцін, Пінхус Крэмень, Осіп Любіч, Міхаіл Кікоін, Осіп Цадкін і інш.
Працы Шагала і Суціна будуць упершыню выстаўленыя ў Літве, бо, як адзначаюць эксперты, дагэтуль у Літве экспанавалася толькі тыражная графіка.
Сярод іншага адбудзецца і «Свята беларускай песні» у Шаўляі, а таксама выступ музыкаў з Беларускай дзяржаўнай філармоніі на IX Міжнародным фестывалі імя Міхаіла Агінскага ў горадзе Плунге.
Фота: Organizatorių archyvo nuotr
ЗК, belsat.eu