У літоўскай сталіцы адбыўся пікет супраць інагурацыі Уладзіміра Пуціна і дзеля падтрымання расейскіх палітвязняў і гэтак званай «Балотнай справы».
Акцыю арганізаваў «Расейскі еўрапейскі рух».
«Гэтая акцыя скіраваная на тое, каб прыцягнуць увагу ў тым ліку і да таго, што цяпер адбываецца ў Расеі. На дадзены момант у Расеі ўжо плануюцца дзясяткі, нават сотні судоў супраць людзей. Іх будуць саджаць пад адміністратыўны пратэст і псаваць ім жыццё», – кажа Данііл Канстанцінаў з «Расейскага еўрапейскага руху».
Апрача актывістаў згаданага руху ў акцыі ўзялі ўдзел актывісты Форуму свабоднай Расеі і палітычныя мігранты ў Літве. Шматлікія віленчукі падтрымлівалі пратэстоўцаў.
НМ, belsat.eu