Чарговы помнік камуністычнаму дзеячу пацярпеў ад сімвалічнай атакі. У Светлагорску аблілі чырвонаю фарбаю бюст расейскага рэвалюцыянера Міхаіла Калініна.
Мясцовыя ўлады ўзвялі помнік летась
Адметна, што раней жыхары гораду збіралі подпісы з патрабаваннем дэмантаваць бюст «усесаюзнага старасты».
Сляды фарбы не змыць
Спачатку камунальнікі паспрабавалі схаваць сляды «нападу» пад зялёным матэрыялам, але праз яго і пад ім надалей былі бачныя чырвоныя плямы. Неўзабаве помнік увогуле дэмантавалі.
Найбольш сёлета дасталася правадыру рэвалюцыі
У Магілёве, Берасці, Браславе, Ленінаў аблілі чырвонаю, а ў вёсцы Малеч Бярозаўскага раёну – карычневаю фарбаю.
«Белсат», фота: ranak.by
