У краіне ўведзены чырвоны ўзровень небяспекі, паведамляе ТАСС.
Больш за сотню населеных пунктаў у горных раёнах краіны апынуліся адрэзаныя ад свету. Адтуль эвакуявалі больш за сотню чалавек.
Самая нізкая тэмпература, зафіксаваная ў Сербіі 8 студзеня склала -27 градусаў. Снегапады ў шэрагу рэгіёнаў доўжацца трэція суткі. Вышыня гурбаў месцамі дасягае чатырох метраў. Раней снежная бура заблакавала на Пэштэрскім плато больш за дзесяць тысяч чалавек. У аўтааварыях па ўсёй краіне пацярпелі дзясяткі асобаў.
«Тэлебачанне і радыё Сербіі» паведамляе, што ў шэрагу рэгіёнаў адключылася электрычнасць. Энергетыкі абяцаюць у бліжэйшы час вярнуць энергазабеспячэнне.
ЮВ, belsat.eu, паводле ТАСС