На паседжанні камісіі замежных справаў выступаюць прадстаўнікі беларускай апазіцыі і медыяў, у тым дырэктар нашага каналу Агнешка Рамашэўская – Гузы, якая звярнула ўвагу на рэпрэсіі ў дачыненні журналістаў Белсату. Сустрэча прысвечаная масавым рэпрэсіяў палітычных актывістаў, журналістаў і шараговых грамадзянаў у Беларусі.
«Лукашэнка, як змяя ў Раі можа спакусіць польскія ўлады яблыкам і яны адмовяцца ад вартасцяў, за якія мы разам змагаліся, за нашую і вашую свабоду» – сказаў паэт і палітык Уладзімір Някляеў.
Падчас сустрэчы закраналася пытанне неакрэсленага фінансавага становішча тэлеканалу «Белсат» і радыё «Рацыя».
Дэпутатка беларускага парламенту ад Ганна Канапацкая сказала, што адчувае прэсінг у парламенце, як адна з двух апазіцыйных дэпутатаў. Пры гэтым ейную працу асвятляюць выключна ў незалежныя медыях, дзяржаўная ж – ігнаруюць.
Па выніках паседжання адзінагалосна была прынятая рэзалюцыя, у якой польскі сейм заклікае спыніць рэпрэсіі ў Беларусі і адзіным шляхам называе дыялог паміж уладамі і апазіцыяй.
Таксама ў сустрэчы ўдзельнічалі праваабаронца Алесь Бяляцкі, намеснік старшыні БНФ Аляксандр Стральцоў, лідар сацыял-дэмакратычнай партыі «Грамада» Ірына Вештард, Зміцер Бандарэнка з «Еўрапейскай Беларусі», кіраўнік «Беларускага дому» у Варшаве Алесь Зарэмбюк, лідарка «Гавары праўду» Таццяна Караткевіч, дэпутатка беларускага парламенту Ганна Канапацкая ды рэдактар Хартыіʼ97 Наталля Радзіна, першая намесніца старшыні Руху “За Свабоду” Галіна Скараход.
Чытайце таксама:
- МЗС Польшчы зрабіла заяву наконт затрыманняў актывістаў і незалежных журналістаў
- Журналісты – не «ізюм». Прэс-канферэнцыя ў БАЖу з нагоды затрыманняў журналістаў. Відэа
- Белсатаўцы: На нас ціснуць, мы не здаемся! (відэаролік)
ЯБ/ВШ, belsat.eu
