У расейскім Южна-Сахалінску ў навагоднюю ноч згарэла галоўная ёлка

Wideo

Палаючая ёлка ў Южна-Сахалінску

У Южна-Сахалінску згарэла галоўная навагодняя ёлка востраву.

Пра гэта паведамілі карыстальнікі сацсетак. Ёлка стаяла ў цэнтры на плошчы Леніна.

Паводле відавочцаў, штучнае дрэва згарэла дашчэнту. Прычынай называюць неакуратна пушчаны феерверк. Ад навагодняй прыгажуні застаўся толькі металічны каркас.

Пажарныя прыехалі хутка. І гарэнне, і тушэнне суправаджалі бадзёрыя словы вядоўцы і вясёлая святочная музыка, адзначае сайт sakhalin.info.

На даручэнне мэра Южна-Сахалінску Сяргея Надсадзіна ў горадзе стварылі працоўную групу для правядзення службовага расследавання і ўстанаўлення вінаватых асобаў. Паводле папярэдніх звестак, падчас здарэння ніхто не пацярпеў. Абставіны ўзгарання высвятляюцца.

Ёлка згарэла ў сярэдзіне святочнай праграмы, пасля феерверку.

Гэтую канструкцыю ўпершыню паставілі на плошчы Леніна ў Паўднёва-Сахалінску ў 2015 годзе. Яе вышыня – 26,5 метра. У адміністрацыі гораду вырашаюць, ці будуць ставіць замену згарэлай ёлцы.

Глядзіце таксама:

НМ, belsat.eu, фотаздымак sakhalin.info

Тэгі: 
Глядзі таксама
Каментары