Турэцкія памідоры, кабачкі і перац ехалі ў Расею без дакументаў.
9 лютага ў Падмаскоўі пры даглядзе беларускага аўтамабіля працаўнікі Рассельгаснагляду па Маскве, Маскоўкай і Тульскай вобласцяў канфіскавалі і знішчылі больш за 18 тонаў гародніны з маркіроўкай турэцкіх вытворцаў.
«У раёне пасёлка Крэкшына Маскоўскай вобласці пры правядзенні надгляду аўтатранспартнага сродку, які рухаўся з Беларусі, быў усталяваны факт знаходжання прадукцыі расліннага паходжання, забароненай да ўвозу на тэрыторыю РФ, агульнай вагою 18,2 тоны», – гаворыцца ў паведамленні ведамства.
Усю гародніну «у адпаведнасці з заканадаўствам» канфіскавалі і знішчылі на палігоне цвёрдых бытавых адкідаў у Ступінскім раёне Маскоўскай вобласці.
ДД
