Металёвая агароджа з’явілася сёння на вуліцы Леніна, дзе ў суботу пройдзе акцыя супраць «падатку на дармаедства».
За дзень да маршу «дармаедаў» на вуліцы Леніна (па якой звычайна праходзяць шэсці) і ля галоўнага ўваходу ў выканкам з’явілася металёвая агароджа.
Працы па рэканструкцыі вядуцца тут ужо тыдзень, але сеткавы плот з’явіўся толькі 10 сакавіка пасля абеду. І можна толькі здагадвацца навошта: працы вядуцца ўнутры будынку гарвыканкаму – патрэбы перагароджваць плотам галоўны ўваход няма.
Незразумелая сітуацыя і з агароджаным помнікам Леніну: ягоны пастамент рамантавалі тры гады таму, да абласных «Дажынак».
Імаверна, плот паставілі адмыслова, каб закрыць самую высокую кропку на плошчы і такім чынам перашкодзіць удзельнікам пратэсту пабачыць прамоўцаў на мітынгу.
