У аўтобусе з расейскімі вайскоўцамі не спрацавалі тармазы.
Пасля гэтага ён зваліўся ў прорву ў Паўднёвай Асетыі – 6 чалавек загінулі, 16 атрымалі траўмы. Пра гэта паведамілі журналістам у прэс-службе Мінабароны Расеі.
Паводле звестак ведамства, трагедыя здарылася а 08:40 (паводле менскага часу) на горнай дарозе Цхінвалі-Канчавэці.
«Аўтобус перавозіў афіцэраў абʼяднання, якія прыцягваюцца на вучэбна-метадычныя зборы каманднага складу батальённага звяна, да месцаў правядзення заняткаў. У выніку дарожна-транспартнага здарэння 6 афіцэраў загінулі, 16 атрымалі траўмы. Усе пацярпелыя вайскоўцы аператыўна дастаўленыя ў медычныя ўстановы гораду Цхінвалі, дзе ім аказваецца ўся неабходная дапамога», – паведаміла прэс-служба расейскага Мінабароны.
Прычынай ДТЗ стала тое, што ў аўтобусе не спрацавалі тармазы, патлумачылі ў прэс-службе.
НМ, belsat.eu, паводле ТАСС
