У Парыжы невядомы на BMW урэзаўся ў групу вайскоўцаў


У прыгарадзе Парыжа Леваллуа-Пэры у групу вайскоўцаў урэзаўся аўтамабіль. Шэсць чалавек атрымалі раненні.

Як паведамляе Reuters, аўтамабіль BMW быў прыпаркаваны ў завулку. Калі жаўнеры выйшлі са сваіх казармаў, каб адправіцца на патрульную службу, машына паехала на іх. Паводле паліцыі, раненні атрымалі 6 чалавек, двое з іх знаходзяцца ў цяжкім стане.

Мэр Леваллуа-Пэры Патрык Балкані назваў інцыдэнт “наўмысным актам агрэсіі”.

Цяпер паліцыя шукае кіроўцу аўто.

 

ІІ, belsat.eu; фота – REUTERS/Benoit Tessier 

 

Глядзі таксама
Каментары