Украіна будзе рэпрэзентаваная на ўзроўні амбасадара.
Паседжанне Савету Міністраў замежных справаў Садружнасці правядзе кіраўнік вонкавапалітычнага ведамства Беларусі Уладзімір Макей.
Паводле інфармацыі беларускага МЗС, на парадку дня – 24 пункты. Міністры, у прыватнасці, плануюць абмеркаваць праект звароту кіраўнікоў дзяржаў СНД да народаў краін СНД і сусветнай грамадскасці ў сувязі з 70-й гадавінай перамогі савецкага народа ў Вялікай Айчыннай вайне, а таксама хаду выкананне захадаў для рэалізацыі канцэпцыі далейшага развіцця Садружнасці.
У паседжанні возьмуць удзел дэлегацыі Азербайджану, Арменіі, Беларусі, Казахстану, Кыргызстану, Малдовы, Расеі, Таджыкістану, Туркменістану, Узбекістану. Украіну на сустрэчы будзе рэпрэзентаваць амбасаар гэтай краіны ў Беларусі Міхаіл Ежаль.
Перамовы пройдуць у Нацыянальнай бібліятэцы. Яны павінны пачацца апоўдні сустрэчай кіраўнікоў дэлегацый у вузкім складзе, а працягнуцца – у пашыраным фармаце.
МЛ, паводле БелаПАН
