З нагоды Міжнароднага дня роднай мовы ў Менску пройдзе адмысловае «Свята Роднай Мовы».
Імпрэза запланаваная на 22 лютага пройдзе ў бізнес-клубе «Imaguru» па адрасе: Менск, вул. Фабрыцыуса, 4.
Арганізатары імпрэзы –«Арт Сядзіба» і культурніцкая пляцоўка «Беларуская Прастора», якія вырашылі сабраць шматлікія беларускамоўныя творчыя ініцыятывы, моўныя курсы, бізнес-праекты, вытворцаў сувеніраў і паштовак, цікавых музыкаў і адметных творцаў у адным месцы.
«Мы хочам паказаць, што беларуская мова не толькі жыве і развіваецца, але і натхняе шматлікіх людзей на цікавыя і яскравыя праекты, акрыляе на добрыя справы», – зазначыла каманда «Арт Сядзібы».
Свята пачнецца 22 лютага ў 14.00 і пройдзе на двух паверхах клубу «Imaguru». Праграма будзе складацца з пяці частак, якія паралельна будуць адбывацца ў некалькіх залах:
адукацыйная,
прэзентацыйная,
забаўляльная,
музычная,
выстава-продаж беларускамоўных паштовак і сувеніраў.
Кошт квіткоў: 30 тысяч. Дзецям да 12 гадоў уваход вольны.
МЯ, belsat.eu