У Менску таксоўка насмерць збіла дзяўчыну


Трагічны інцыдэнт здарыўся на сталічным праспекце Незалежнасці.

Следчыя высвятляюць акалічнасці дарожна-транспартнага здарэння, якое адбылося сёння ноччу на менскім праспекце Незалежнасці. Пра гэта паведаміў афіцыйны прадстаўнік Упраўлення Следчага камітэту Аляксей Клімовіч.

Паводле папярэдняй інфармацыі, 20 чэрвеня ў пачатку трэцяй раніцы кіроўца таксоўкі ехаў па праспекце Незалежнасці ў бок плошчы Перамогі. Насупраць палацу Прафсаюзаў ён здзейсніў наезд на дзяўчыну 1998 года нараджэння, якая перабягала дарогу па-за пешаходным пераходам.

Ад атрыманых траўмаў дзяўчына загінула на месцы аварыі. Папярэдне, на момант ДТЗ кіроўца быў цвярозы.

Распачатая крымінальная справа паводле ч. 2 арт. 317 Крымінальнага кодэксу Беларусі (Парушэнне ПДР альбо эксплуатацыя транспартных сродкаў, якая пацягнула смерць чалавека).

Глядзіце таксама:

НМ, belsat.eu, паводле Tut.by

Тэгі: ,
Глядзі таксама
Каментары