Неўзабаве ў Правілы добраўпарадкавання Менску будуць унесеныя змены.
У іх будзе запісаны абавязак уключаць архітэктурную падсветку паводле графіку, вызначанага «Менгарсвятлом» і адміністрацыямі сталічных раёнаў.
«Пры неўключэнні будзем штрафаваць уласнікаў будынкаў. У нас ёсць патрабаванне, каб горад выглядаў прывабна», – патлумачыў дзяржаўнаму інфармагенцтву belta.by намеснік старшыні Менгарвыканкаму Віктар Лапцеў.
Асаблівую ўвагу ў 2018 годзе плануецца надаць падсвятленню праспекта Незалежнасці, вуліцы Макаёнка, Партызанскага праспекта, а таксама вуліцам каля стадыёна «Дынама».
ЮВ, belsat.eu