У Менскіх барах з’явяцца нацыянальныя алкагольныя кактэйлі з квасам і бярозавікам


Хутка госці менскіх барах змогуць замовіць «Шыпахвост», «Паветраны» і «Скарбны» – новыя нацыянальныя кактэйлі.

Cmoki1

Іх будуць вырабляць на аснове традыцыйных настоек.

Дзевяць нацыянальных кактэйляў былі распрацаваныя для праекту «Цмокі на новы лад», якую ладзіць кампанія «Бульбаш». У працэсе дэгустацыі і галасавання экспертаў абралі тры кактэйлі, якія неўзабаве зʼявяцца ў менскіх барах.

Удзел у распрацоўцы рэцэптаў бралі прафесійныя бартэндэры Міхаіл Канаваленка, Васіль Сапункоў і Яўген Рогаў.

У рэцэптах новых кактэйляў у якасці асновы былі выкарыстаныя настойкі на мёдзе з перцам, на ліпавых кветках з мёдам, бярозваых пупышках, журавінах і зубровай траве.

А замест тыповых інгрэдыентаў для кактэйляў-цмокаў узялі мясцовыя інгрэдыенты. Напрыклад, замест віскі або рому выкарысталі традыцыйную настойку, замест колы – квас, замест лайму – агурок, замест ананасавага соку – маркоўны, а замест содавай – газаваны бярозавы сок.

Прасоўваннем нацыянальных кактэйляў занялася кампанія «Бульбаш», якую часам крытыкуюць за выкарыстанне ў якасці назвы здзеклівага наймення. Кіраўнік аддзелу стратэгічнага маркетынгу ТАА «Завод Бульбаш» Валянціна Багнія адзначыла, што цяпер кампанія працуе над зменай стаўлення да слова «бульбаш».

НМ, belsat.eu, паводле «Радыё Свабода»

Глядзі таксама
Каментары