У горадзе на Дняпры пройдзе акцыі па перадухіленні інфаркту.
27 верасня ў дзевяці месцах у Магілёве можна будзе вымераць артэрыяльны ціск, масу цела і рост ды атрымаць кансультацыю тэрапеўта. Тэставыя пункты адкрыюцца па ўсім горадзе, падае Магілёўскі аблвыканкам.
У акцыі возьмуць удзел медыкі дзяржаўных медустановаў. Яны дадуць рэкамендацыі па прафілактыцы вострага каранарнага сіндрому і інфаркту міякарда, фактараў рызыкі хваробаў сістэмы кровазвароту і агулам па тым, як весці здаровы лад жыцця.
Па звестках Сусветнай арганізацыі здароўя, свеце няўхільна расце рост смяротнасці ад сардэчна-сасудзістых захворванняў – прычым ува ўсіх краінах.
Летась у Беларусі сардэчна-сасудзістыя хваробы былі ў 38,8 тысячаў на 100 тысячаў жыхароў.
Лекары кажуць, што самы надзейны спосаб перадухіліць гэткія хваробы – займацца прафілактыкай.
Да сардэчна-сасудзістых хваробаў прыводзяць перадусім курэнне, злоўжыванне алкаголем, падвышаны артэрыяльны ціск, павышаны ўзровень халестэрыну ў крыві, залішняя маса цела, недастатковае спажыванне гародніны і садавіны, а таксама маларухомы лад жыцця.
ДД