З адпаведнай ініцыятывай выступіў Магілёўскі гарвыканкам.
Дом на вуліцы Вялікай Грамадзянскай – адметнасць раёну. Будынак, упрыгожаны вялізнай колькасцю выкарыстаных пластыкавых бутэлек, вядомы не толькі магілёўцам. З пластыка створаны плот і некалькі абʼектаў на тэрыторыі двара – альтанка, вазоны для кветак ды іншае.
Аднак Магілёўскі гарвыканкам вырашыў, што па стылю і форме дом не пасуе – цяпер тут побач будуюць гарадскі парк культуры і адпачынку.
Паводле інфармацыі магілёўскіх чыноўнікаў, гаспадар пластыкавага дому пагадзіўся на знос будынку, але пры ўмове прадстаўлення яму добраўпарадкаванай кватэры.
ДР, belsat.eu паводле mogilenews.by
Фота tomkad